ابن الجبل
جايي بقصد المعرفي ورصد المقام ....القي عليكم كلمتي وإرمي السلام
جايي لأرمي جمرتي وأمحي الاثام .... وكمّل حجيجي وطوف بالبيت الحرام
ارجع متل مولود من بعد الفطام .... من كثر ماتمّو اصطلا عالصدر نام
جايي على بستانكن هز الورد ..... وأحلى تحيي اتركا بمسك الختام
---------------------
تيسير نصرالدين
بن الجبل ياجاي بعيون الكلام .... مهر القوافي صار مشدود اللجام
من يوم عاعاصي حما بكيت الشام.... لما الضحايا تعمدو والدم عام
جرحن سطى عاكلمتي وصارت حرام ... حدّي على لساني متل حد الحسام
لكن برحب بالقوافي الساطعة ..... بلكي الشمس بتذوب خيوط الظلام
---------------------
ابن الجبل
مش جاي إحكي بالسياسة يارفيق ....أعمل فريق معارضة وانت فريق
مش جاي إرمي جنينتك بالمنجنيق ...وهدالقوافي واقطع عليك الطريق
بدعيك حتى نلتقي بنص الطريق .... خلّي الحوار يكون شفّاف وانيق
معارض انا لكل اشكال الفساد .... معارض أنا لكل من يشعل حريق
-----------------------
تيسير نصرالدين
شو ماقُلت مقبول ياإبن الجبل ....مادام حرفك معتلي خيول الزجل
الكلمةالحكيمة بتنسج خيوط الأمل...وبتسرق قلوب العذارى بالغزل
أكرم كتاب بأحرف وإقرأ نَزَل ... حطّم خرافة آلهة عزّة وهُبَلْ
الكلمةضميرالشاعروصوتوالقوي ... ولسان حالو بالسعادة وبالوجل
--------------------------------
ابن الجبل
من يوم طفل الشعر عسطوري حبي ...وفتّح حنين الورد من عب الخبي
خليت حرفي يشيخ عاكل العبي ... وجبت المعاني سافره ومحجبي
فرسان عبس وعنتره والتغلبي ... علمتهم ضرب السيوف بملعبي
ولما على المنبر بتمرق هامتي .. بتقول عني الناس صلو عالنبي
جايي بقصد المعرفي ورصد المقام ....القي عليكم كلمتي وإرمي السلام
جايي لأرمي جمرتي وأمحي الاثام .... وكمّل حجيجي وطوف بالبيت الحرام
ارجع متل مولود من بعد الفطام .... من كثر ماتمّو اصطلا عالصدر نام
جايي على بستانكن هز الورد ..... وأحلى تحيي اتركا بمسك الختام
---------------------
تيسير نصرالدين
بن الجبل ياجاي بعيون الكلام .... مهر القوافي صار مشدود اللجام
من يوم عاعاصي حما بكيت الشام.... لما الضحايا تعمدو والدم عام
جرحن سطى عاكلمتي وصارت حرام ... حدّي على لساني متل حد الحسام
لكن برحب بالقوافي الساطعة ..... بلكي الشمس بتذوب خيوط الظلام
---------------------
ابن الجبل
مش جاي إحكي بالسياسة يارفيق ....أعمل فريق معارضة وانت فريق
مش جاي إرمي جنينتك بالمنجنيق ...وهدالقوافي واقطع عليك الطريق
بدعيك حتى نلتقي بنص الطريق .... خلّي الحوار يكون شفّاف وانيق
معارض انا لكل اشكال الفساد .... معارض أنا لكل من يشعل حريق
-----------------------
تيسير نصرالدين
شو ماقُلت مقبول ياإبن الجبل ....مادام حرفك معتلي خيول الزجل
الكلمةالحكيمة بتنسج خيوط الأمل...وبتسرق قلوب العذارى بالغزل
أكرم كتاب بأحرف وإقرأ نَزَل ... حطّم خرافة آلهة عزّة وهُبَلْ
الكلمةضميرالشاعروصوتوالقوي ... ولسان حالو بالسعادة وبالوجل
--------------------------------
ابن الجبل
من يوم طفل الشعر عسطوري حبي ...وفتّح حنين الورد من عب الخبي
خليت حرفي يشيخ عاكل العبي ... وجبت المعاني سافره ومحجبي
فرسان عبس وعنتره والتغلبي ... علمتهم ضرب السيوف بملعبي
ولما على المنبر بتمرق هامتي .. بتقول عني الناس صلو عالنبي
» قصيدة زجلية:"شفتني"
» عيد أضحى مبارك
» مارتون بوكونب
» lميريم من الجزائر
» حنين
» أي ضعفً و انحلال.
» اعداء العروبة
» الزجل